Tortour Reko – Etappe 4 / Graubünde (Sa., 24.06.2017)

Hallo zäme

Hie wieder mau es Tönli vo mir 🙂

I ha geschter dr wit Wäg ids Graubünde uf mi gno (nach 5 Stung Schlaf 05.30 h ufgstange *gäääähn*), um no die letschti Tortour-Etappe z’rekognosziere, Etappe 4 Chur – Disentis. U das isch o dringend nötig gsi, bi nämlech öpe 5x fautsch abboge LOL 😀 Da das aber fürnes Samschti-Training (wie dr Heinrich richtig erkennt het ;-)) aber chli mager wär gsi, hani’s no usdehnt u bi bis ufe Oberauppass gfahre. Zrügg hani natürli de o ume müesse, wiu mis Outo z’Chur gstange isch. U wär jtz dänkt, da isch ja easy u geit ja nume nizi, dä muessi jtz auso «eines Besseren belehren» 😉 I ha natürli wieder dr schön Wäg dür d’Schlucht gno u i ha di ganz Zyt uhuere Gägewind gha! 🙁 Es het mi grad so richtig agschisse, so dassi z’Disentis am liebschte z’Zügli zrugg uf Chur hätt gno – aber das chani ja de ar Tortour o nid 😀 drum hani ufe Zäng bisse u ha mi so flach wie müglech düre Wind kämpft…wenner mängisch vor Site isch cho, bini auso fasch diagonou ufem Velo ghocket u Tri-Position hesch mehrheitlech chönne vergässe bi dene Böe 😀 Aber ig muess auso säge, landschaftlech isch die erschti Heufti mit däm atemberoubende Blick uf dr Rhiischlucht eifach genaiu! U churz vorhär hets e richtig schöne Naduwaud u es het so schön intensiv nach Naduhouz duftet…bi mir fasch chli vorcho wi irgendwo z’Kanada 🙂 Auso zäme hets de grad 170 Km, 2300 Hm gä u bi 6 h 28 ungerwägs gsi, was grad öpe e 26er-Schnitt gä het. U när bini no guet 2h heigfahre mitem Outo…

Newsletter 

 

Fahrtechnik  

 

Reisen / Touren  

 

Biketreff Olten  

 

Impressum 

 

Kontakt 

 
Bikeschule Olten
Fabian Spielmann
Brückenstrasse 48
4632 Trimbach
___________________
Phone: +41 (0)79 417 26 23
Email: info@bikeschule-olten.ch