5 Pässe-Tour

I bi am Samschti 10.06.2017 ir Begleitig vo mine Eutere u ihrem Hung e grossi Tour über d’Grimsu, Nufene, Lukmanier, Oberalp u Suste ga mache: 13 h 20 Min. / 280 Km / 7031 Hm / Schnitt 21.00 Km/h.

Bereits 03.00 h hets Tagwach u Zmorge gä, 04.00 h isch d’Afahrt uf Meiringe gsi, 05.30 h bini gstartet richtig am erschte Pass, dr Grimsu. Es het no chli Wulche gha, aber es isch eigentli scho agnähm warm gsi. D’Wätterbedingige si de dr ganz Tag geniau gsi mit bis zu 30 Grad u dr Verchehr hani o scho schlimmer erläbt. Nur dr Gägewind ir Leventina, am Lukmanier u Oberaup het mir z’Läbe chli erschwärt u das het mi nach ca. 180 km u x Höhemeter i de Bei de o grad no chli mentau gforderet 😉 Dr Suste hets de ume guet gmeint mit mir u nume ganz Obe hets chli glüftlet u vor auem o kuehlet. Mine Eutere het dä Usflug o sehr gfaue u si hei e super Job gmacht u sech dr ganz Tag beschtens um mi kümmeret (was würde me angers erwarte vo de Eutere ;-)) Ja u z’Pilvi (Hung)…i gloube, dä hät sechs o Schöners chönne vorsteue aus dr ganz Tag dr Sue hinger nache z’gurke 😉 Während dene Ufstiege hani natürli o die schöni Bärglandschaft gnosse u ha viu Murmeli gseh u ghöre pfiffe u es het ganz viu schöni Blueme gha (Auperose, Anemone, Enziane…). Ig muess säge, i ha sehr Fröid, wie’s mir ergange isch u o wini mi nach dene fasch 300 km u dene viele Höhemeter gfüeuht ha. Ig fröie mi scho ume uf di nächsti Tour 🙂

Newsletter 

 

Fahrtechnik  

 

Reisen / Touren  

 

Biketreff Olten  

 

Impressum 

 

Kontakt 

 
Bikeschule Olten
Fabian Spielmann
Brückenstrasse 48
4632 Trimbach
___________________
Phone: +41 (0)79 417 26 23
Email: info@bikeschule-olten.ch